Uşaq psixologiyası

Hər yaş dövrü üçün duyğusal və davranışsal dəstək

Uşaq psixologiyası xidməti uşaqların emosional, sosial və intellektual inkişafını dəstəkləmək üçün nəzərdə tutulub. Valideynlər üçün məqsədimiz — uşağın daxili dünyasını anlamaq, onun davranışlarının səbəblərini müəyyənləşdirmək və sağlam inkişafı üçün uyğun yanaşma tapmaqdır.

İstər uşağınızda qorxu, aqressiya və ya diqqət çatışmazlığı müşahidə edirsiniz, istərsə də sadəcə onun potensialını daha yaxşı üzə çıxarmaq istəyirsinizsə — komandamız burada sizə kömək etməyə hazırdır.

İlkin qiymətləndirmə və müşahidə

Uşağın duyğusal vəziyyəti və davranış modelləri müşahidə olunur, valideynlərlə birgə ilkin konsultasiya keçirilir.

Bu mərhələ uşağın şəxsiyyətini, maraqlarını və gündəlik çətinliklərini başa düşmək üçün vacibdir.

Oyun terapiyası

Uşaqlar duyğularını ən yaxşı oyun vasitəsilə ifadə edirlər. Oyun terapiyası uşağın daxili aləmini açmağa, qorxularını, gərginliyini və özünüifadəsini rahat şəkildə göstərməsinə imkan yaradır.

Davranış terapiyası

Uşaqlarda aqressiya, diqqətsizlik, inadkarlıq və ya sosial çətinliklər kimi problemlərin səbəbləri araşdırılır. Terapevt uşağa uyğun üsullarla davranış modellərini müsbət istiqamətə yönəldir.

Valideyn məsləhətləri və dəstəyi

Uşağın inkişaf prosesində valideynin rolu həlledicidir. Biz valideynlərə uşaqlarını daha yaxşı anlamaq, onlarla effektiv ünsiyyət qurmaq və düzgün sərhədlər yaratmaq üçün praktiki məsləhətlər təqdim edirik.

Duyğusal və sosial inkişafın gücləndirilməsi

Uşaqların empati, dostluq, paylaşma və özünüifadə bacarıqlarını inkişaf etdirmək üçün fərdi və qrup terapiyaları təklif olunur.
Bu proses uşağın həm məktəb, həm də ailə mühitində daha güvənli və rahat davranış sərgiləməsinə kömək edir.